Wastara Juma.
MWIGIZAJI
mwenye uwezo mkubwa wa kucheza na hisia, Wastara Juma amemaliza eda,
kwa mujibu wa imani yake ya Dini ya Kiislamu ni ruksa kuolewa wakati
wowote kutoka sasa.
Habari
kutoka kwa chanzo chetu cha kuaminika kilicho karibu na msanii huyo,
zinasema kwamba Wastara amemaliza salama eda yake baada ya kufiwa na
mumewe Juma Kilowoko ‘Sajuki’ Januari, mwaka huu.
Staa
huyo bado yupo Muscat, Oman alikoitwa na ndugu zake kwa ajili ya kukaa
eda hiyo na kupumzika baada ya kupata masaibu ya kuondokewa na mumewe
kipenzi.
KAMA MWARABU
Chanzo
kinaeleza kuwa uamuzi wa Wastara kwenda kukaa eda Uarabuni ni mzuri
kwa sababu kwa sasa yupo vizuri kiafya na mawazo ya kuondokewa na
mwenzake yamepungua.
“Ni
kweli kifo hakizoeleki lakini Wastara amejitahidi sana kutuliza kichwa
chake. Ndugu zake wamemsaidia sana, wamekuwa naye katika kipindi hiki
kwa upendo wa hali ya juu.
“Yaani
ukimuona jinsi alivyopendeza utashangaa, ni kama Mwarabu kabisa. Mungu
mkubwa sana jamani, kila mtu anafurahishwa na jambo hilo. Mungu
ataendelea kumsimamia,” kilipasha chanzo hicho kilichoomba hifadhi ya
jina lake gazetini.
Wastara akiwa Uarabuni.
“Kwa sasa anaendelea kupumzika kidogo, mwezi ujao (akimaanisha Juni) tarehe za mwanzoni kabisa atarudi Dar.
“Kitu
kikubwa anachowaza kwa sasa ni kurudi tena na kusimama kwenye kazi ya
uigizaji ili aweze kulea familia yake, maana yupo peke yake.”
HUYU HAPA WASTARA
Risasi
Mchanganyiko lilifanikiwa kuzungumza na Wastara kwa njia ya simu
ambaye alithibitisha kumaliza eda yake na kwamba atarejea Bongo mwezi
ujao.
...Wastara katika pozi.
“Namshukuru
sana Mungu wangu, nawashukuru pia ndugu zangu kwa moyo wao wa upendo
na kunijali katika kipindi hiki kigumu cha kuondokewa na mume wangu.
Naendelea vizuri na mwezi ujao nitarudi huko nyumbani,” alisema.
Alipoulizwa
kuhusu suala la ndoa mpya baada ya eda yake, alisema: “Nimewahi kujibu
swali la namna hii. Kiukweli sifikirii chochote kuhusu suala la ndoa.
Nahitaji kutuliza kichwa changu.”NA GLOBAL PUBLISHER
No comments:
Post a Comment